Presyo’s kopra gidiktahan sa kalibutanong merkado

SAYOP nga basulon ang Philippine Coconut Authority (PCA) sa P39 matag kilo nga palit sa kopra karon kay ang presyo sa lubi gidiktahan sa lihok sa kalibutanong merkado.

Ang kalibutanong panginahanglan gisuplayan sa daghang nasud nga abunda sa mga produktong tinubdan sa oil ug fat sama sa soy bean, palm, sorghum, mani ug mais, gawas mismo sa animal fat.

Matud ni PCA Provincial Manager Emil Romero, sa tibuok world demand sa oil ug fat gikan sa mga tanom ug hayop, dos porsento (2%) lang ang masuplay gikan sa lubi.

Ang daghang produksyon sa soy bean ug palm oil sa ubang nasud nakadiktar sa world market ug nakaapekto sa presyo sa kopra sa Pilipinas.

Sa kaugalingong panginahanglan, namalit gani ang Pilipinas og soy bean, palm, sorghum ug uban pang produkto sa gawas kay barato kini sa mga nasud diin abunda ang produksyon.

Usa sa mga natuki ang presyo sa kopra sa Bohol atol sa tigom sa Provincial Development Council (PDC) kagahapon, Martes.

Nakapatin-aw unta sa maong isyo ang PCA pinaagi kang Provincial Manager Romero sa PDC full-council meeting nga gitambongan sa mga ahensiyang probinsiyal ug nasyonal, ingon man mga mayor.

Apan way notisyang nadawat ang PCA gikan sa secretariat sa PDC nga mao ang Provincial Planning and Development Office nga himoon ang labing unang tibuok nga tigom sa PDC ning tuiga. (Ven rebo Arigo)

Comments

comments

About the Author

boholtribune.com
The Bohol Tribune is the leading newspaper in Bohol, Philippines, circulating in Tagbilaran City and in Bohol's 47 towns. Widely considered as the best newspaper in Bohol, The Bohol Tribune offers the most comprehensive coverage of news and features, presented in a world-class printing quality. For feedback/inquiries: 0920-630-1130 (smart) | 0927-6310-965 (globe) Landline: 038-501-0919 | E-mail: boholtribune@gmail.com

Be the first to comment on "Presyo’s kopra gidiktahan sa kalibutanong merkado"

Leave a comment

Your email address will not be published.


*