‘Oplan Kalusugan’ gilusad sa DepEd

Gilusad sa Department of Education (DepEd) ang ‘Oplan Kalusugan’ kagahapon isip parte sa programa sa ahensiya aron masiguro nga maayo ang panglawas sa mga estudyante sa tibuok nasod dili lamang pisikal apan sa ilang mental health usab.

Matud pa ni DepEd Kalihim Leonor Briones, tuyo niining programa nga masiguro nga mahatagan og primary health ug dental care ang mga estudyante aron mapagawas ang ilang potensiyal sa pagtuon.

Gidugang pa sa kalihim nga mahimong dali sa mga bata ang maka-consentrate sa ilang pagtuon kun walay gibating sakit ug kun maayo ang kahimtang sa ilang panglawas.

Gawas niini, giingong tutokan sa maong programa ang tanang DepEd school health personnel ug mga estudyante nga sugdan ang mas himsog nga praktis.

Giingong makig-alayon usab ang mga personnel ug estudyante sa mga health providers ug local government units (LGUs) alang sa serbisyong panglawas.

Gitakdang magsugod ang implementasyon sa programa sa buwan sa Hulyo sa school year 2018-2019. (ecb/PIA7-Bohol)

Comments

comments

About the Author

boholtribune.com
The Bohol Tribune is the leading newspaper in Bohol, Philippines, circulating in Tagbilaran City and in Bohol's 47 towns. Widely considered as the best newspaper in Bohol, The Bohol Tribune offers the most comprehensive coverage of news and features, presented in a world-class printing quality. For feedback/inquiries: 0920-630-1130 (smart) | 0927-6310-965 (globe) Landline: 038-501-0919 | E-mail: boholtribune@gmail.com

Be the first to comment on "‘Oplan Kalusugan’ gilusad sa DepEd"

Leave a comment

Your email address will not be published.


*