Bol-anon’g babaye ang bag-ong Fire Marshal

Unang babaye nga gikan sa Bohol nga mitapos sa Philippine National Police Academy (PNPA) ug karon nagsilbi sa Bureau of Fire Protection (BFP), mao na ang bag-ong Provincial Fire Marshal.

Lumad nga taga Dagohoy, Bohol, si Fire Superintendent Sheila Caresosa Andrade, nakapakita sa iyang katakus isip babaye apan ikaparang na sa mga lalaki sa buhat, human kahatagi sa hgigayon pinaagi sa Republic Act 7192.

Ang RA 7192 nagbukas sa mga kababayen-an sa kahigayunan nga makasulod sa mga military schools ug nag-isa pataas sa kababayen-an isip kaparehas na sa kalalakinhan sa buhat sa pagpanday sa nasud.

Karon usa sa mga kababayen-an nga mipakita sa ilang katakus nga himoon ang mga buhat nga sa una nga gituohang panglalaki lamang, si FSupt Andrade mitapos usab sa Master in Public Administration sa Polytechnic University of the Philippines ug may masteral degree sa Business Administration sa International Academy of Management and Economics.

Niapil sa mga nagkadaiyang bansay ug pag-workshops sa nasud ug sa gawas sa nasud aron kapun-an ang iyang abilidad, si FSupt ANdrade giila nga labing unang babayeng bomberong Pinay nga nasukip sa International Fire Fighting Course niadtong in 2006 nga tanyag sa Civil Defense Academy sa Singapore.

Niadtong 2007, natipun usab siya sa Medical First Responder and Collapsed Structure Search and Rescue Basic Courses nagdto na sa Master Instructors’ Workshop nga gidumala sa National Society for Earthquake Technology-Nepal/USAID.

Gikan sa 2002, nadestino siya isip Tactical Officer sa Fire National Training Institute (FNTI) hangtud nga nahimong Commandant niadtong 2009.

Kini nagtumod usab kaniya nga mamahimong Deputy Director sa FNTI niadtong 2012.

Nahimo na usab siya nga City Fire Marshals sa mga dagkong syudad sa Laguna: sa Binan City, San Pablo City ug sa City of Cabuyao.

Sa iyang bag-ong assignment isip labing unang babaye nga Provincial Fire Marshal sa Bohol, misalig si Andrade nga ang pagpanguna, bisan pa sa organisasyon nga gidominahan sa kalalakin-an, nga ang kakugi ug determinasyon lakip na ang abilidad sa babaye nga naanad sa empathy maoy iyang labing maayong bintaha.

Gikan sa iyang paghuman sa elementarya sa Dagohoy Central Elementary School ug sekondarya sa Dagohoy High School hangtud mitapus sa Bachelor of Science in Commerce Major in Management sa University of Bohol, si Fsupt Andrade, kinsa mipakita gyud sa iyang pagka-Bol-anon, nangaghat pa gani sa kababayen-ang parehas kaniya sa pagsunod sa iyang career.

Puno man sa hagit ang pagka bombero, daghan usab og makalipay, ilabi na kay kini nga buhat, nagtabang sa pagsagop sa kinabuhi og kabtangan gikan sa pagka-abo. (rahc/PIA-7/Bohol/OPFM)

BOL-ANONG GARBO. SI FSupt Sheila C. Andrade, lumad nga taga Dagohoy, maoy labing unang babaye nga migradwar sa Philippine National Police Academy, labing unang babayeng bombero nga gibansay sa gawas sa nasud ug labing unang hepe sa kabomberohan sa Bohol. (PIA/OPFM/BFP)

Comments

comments

About the Author

boholtribune.com
The Bohol Tribune is the leading newspaper in Bohol, Philippines, circulating in Tagbilaran City and in Bohol's 47 towns. Widely considered as the best newspaper in Bohol, The Bohol Tribune offers the most comprehensive coverage of news and features, presented in a world-class printing quality. For feedback/inquiries: 0920-630-1130 (smart) | 0927-6310-965 (globe) Landline: 038-501-0919 | E-mail: boholtribune@gmail.com

Be the first to comment on "Bol-anon’g babaye ang bag-ong Fire Marshal"

Leave a comment

Your email address will not be published.


*